Ադրբեջանի ԶՈւ կորուստները 2018թ. մարտ–ապրիլ ամիսներին. Razm.info

2018թ. մարտ–ապրիլ ամիսներին բաց աղբյուրների ուսումնասիրությունից հայտնի է դարձել Ադրբեջանի զինված ուժերի և հարակից ուժային կառույցների 3 կորստի մասին, որից մեկը մարտական է, մյուսը երկուսը՝ անհայտ պայմաններում։

23 մարտի, 2018թ.

Մարտի 24–ին Ադրբեջանում հուղարկավորել էին նախորդ օրը՝ մարտի 23-ին, Թարթառի (Տերտեր) շրջանի ուղղությամբ սպանված զինծառայող Ռզաև Խայամ Փանահ օղլուին (Rzayev Xəyyam Pənah oğlu):  Ըստ ադրբեջանական աղբյուրների՝ զինծառայողը սպանվել էր «ռազմաճակատի Տերտերի ուղղությամբ ծառայողական պարտականություններն իրականացնելիս»:
Ադրբեջանի ՊՆ որևէ մեկնաբանություն չի արել այս կորստի մասին։ 

Ադրբեջանի Զու սպանված զինծառայող Ռզաև Խայամ Փանահ օղլուն (Rzayev Xəyyam Pənah oğlu). 23.03.2018
Ադրբեջանի Զու սպանված զինծառայող Ռզաև Խայամ Փանահ օղլուն (Rzayev Xəyyam Pənah oğlu). 23.03.2018

24 մարտի, 2018թ.

Մարտի 24 և 25-ին սոցցանցերում ադրբեջանցի օգտատերերը հայտնել էին, որ Գորանբոյի շրջանում ականի պայթյունից մահացել է Ադրբեջանի ԶՈւ զինծառայող: Մահացած զինծառայողի անունը չէր նշվում, Ադրբեջանի ՊՆ-ն որևէ կերպ չի անդրադարձել այս միջադեպին: Այս զինծառայողի մասին այլ տեղեկություններ չունենք։

4 ապրիլի, 2018թ.

Ապրիլի 3-ին անհայտ պայմաններում մահացել է Ադրբեջանի ԶՈւ զինծառայող, 1992թ. ծնված  լեյտենանտ Աբդուլլաև Նուրիդ Չինգիզ օղլուի (Abdullayev Nurid Çingiz oğlu) մասին: Զինծառայողը թաղվել է ապրիլի 4-ին Բաքվից արևմուտք գտնվող Գոբու բնակավայրում:

Ադրբեջանցի զինծառայող Աբդուլլաև Նուրիդ Չինգիզ օղլուն (Abdullayev Nurid Çingiz oğlu)
Ադրբեջանցի զինծառայող Աբդուլլաև Նուրիդ Չինգիզ օղլուն (Abdullayev Nurid Çingiz oğlu)

Հիշեցնենք, որ 2018թ. հունվարի 1-ից մայիսի 1-ն ընակած ժամանակահատվածում բաց աղբյուրների ուսումնասիրությունից հայտնի է դարձել Ադրբեջանի զինված ուժերի և հարակից ուժային կառույցների 10 կորստի մասին, որից մեկի անունն անհայտ է։ 

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *