Ադրբեջանի Պետական սահմանապահ ծառայությունը (ՊՍԾ) ՀՀ սահմանակից Ադրբեջանի Ղազախի և Աղստաֆայի շրջանների ուղղությամբ մարտական դիրքերի պաշտպանությունը ստանձնելուն պատրաստվել էր նախորդ տարվա օգոստոս ամսից:
«Ղազախի և Աղստաֆայի շրջանների ուղղությամբ 2018 թ. հոկտեմբերից ՊՍԾ-ն սկսել է իրականացնել ՀՀ հետ պետական սահմանների անվտանգության ապահովում: Անխոս, սահմանապահների համար սա նոր գործառույթ է, հետևաբար պատրաստությունը սկսվել է դեռ օգոստոսից:»
Մեհդիևը հավելել է նաև, որ սահմանապահների կողմից մարտական դիրքերի ընդունուման աշխատանքները դեռևս շարունակվում են:
Նշենք, որ նախքան մարտական դիրքերում տեղակայլվելու մասին պաշտոնական հայտարարությունը, մենք նկատել էինք, որ Ադրբեջանում սահմանապահները վարժանքներ էին անում առանջանագծին բնորոշ խրամատներում: Ըստ էության, Մեհդիևի խոսքերը հաստատում են մեր պնդումը:
Դեկտեմբերի 26-ին հայտնել էինք, որ սահմանապահները արդեն մարտական դիրքերում են, մեր դիտարկմամբ՝ Բաղանիս-Ոսկեպար հատվածում:
Անձկակազմից բացի դիրքեր է բերվել նաև ՊՍԾ տեխնիկան՝ ԲՏՌ-70 զրահափոխադրիչներ, «Կոբրա» զրահամեքենաներ, հակատանկային «Սկիֆ» հրթիռային միջոցներ, դիտարկման, ջերմատեսիլ սարքեր: Բացի այս, ներկայումս տարբեր հատվածներում ՊՍԾ անձկազմի համար ընթանում է զորանոցների, կացարանների շնարարություն:
Ընդգծենք, որ կարծում ենք՝ ՀՀ հետ սահմանին բանակի փոխարեն սահմանապահներ տեղակայելով, Ադրբեջանը օպտիմալացնում և վերախմբավորում է ուժերը՝ բանակի ստորաբաժանումներից ստեղծելով ռեզերվ: Ավելի մանրամասն կարող եք ծանոթանալ այս հղումներով (1, 2)