Վարչապետը համաձայնեց՝ կան բնակավայրեր, որտեղ 10 հազար դոլարով տուն հնարավոր չէ գնել․ սպա

Կառավարության որոշմամբ զորացրված սպաների բնակարանային խնդիրը մեռյալ կետից շարժվել է: Այս մասին հայտարարել է վարչապետ Նիկոլ Փաշինյանը զորացրված սպաների հետ հանդիպմանը։

Վարչապետն ասել է, որ եթե լինեն մարդիկ, որոնց այս լուծումը ձեռնտու չի լինի, նրանց նկատմամբ պետության պարտավորությունը կմնա:

Հիշեցնենք, որ այսօր՝ դեկտեմբերի 28-ին, կառավարության շենքի դիմաց հավաքված զորացրված սպաների մի խմբին ընդունել էր Նիկոլ Փաշինյանը։

Երեկ Հայաստանի կառավարությունը որոշել էր 1141 զորացրված սպաներից  յուրաքանչյուրին տալ միջինը 5 մլն դրամի վկայագիր, որը պետք է օգտագործվի բնակտարածք գնելու համար։ Դրա համար ՀՀ  կառավարության պահուստային ֆոնդից ՊՆ–ին հատկացվելու է 5 մլրդ 705 մլն դրամ։ Պահեստազորի սպաները դժգոհ են այս որոշումից, որովհետև օրենքով պետությունը պարտավոր է բնակարան գնելու համար տրամադրել գումարի ոչ թե մի , այլ բավարար մասը։

Նիկոլ Փաշինյանն ասել է, որ Պաշտպանության նախարարությունը մեկ ամսվա ընթացքում կայացնելու է որոշում, թե նշված 5 մլրդ դրամն ինչ սկզբունքով և ինչպես է բաշխվելու: Ռազմինֆոյի հետ զրույցում Պահեստազորի մայոր Պարզյանը ասաց, որ երբ լինի որոշումը, գուցե որոշ բաներ ավելի հասկանալի լինեն։

«․․․Չի նշանակում, թե ասում ենք՝ այս 5 մլրդ դրամը վերցրեք և հաշիվները մաքրեցինք: Դա նշանակում է, որ կա այսպիսի հնարավորություն, մենք ստեղծում ենք այդպիսի հնարավորություն: Այս 1200-ի մեջ վստահաբար կլինեն մարդիկ, որոնց համար սա կլինի ոչ միայն հնարավորություն, այլև հարցի լուծում․»,– նշել է Փաշինյանը:

Մայոր Պարզյանի խոսքով՝ վարչապետի մոտ կադաստրի պետական կոմիտեի տեղեկանք է եղել, սակայն նա համաձայնել է, որ կան բնակավայրեր, որտեղ այդ գումարով տուն հնարավոր չէ գնել․ նրանց համար հետագայում կփորձեն լրացուցիչ գումար ներգրավվել։

Վարչապետի պաշտոնական հաղորդագրության մեջ նշվում է, որ Փաշինյանն ընդունել է հանդիպման մասնակիցների առաջարկն ու «պատրաստակամություն հայտնել հանձնաժողովում ներգրավել նրանց ներկայացուցչին»:

Վարչապետ Նիկոլ Փաշինյանի ու զորացրված սպաների հանդիպում
Վարչապետ Նիկոլ Փաշինյանի ու զորացրված սպաների հանդիպում
Զորացրված սպաները բարձրացան ՀՀ վարչապետի պաշտոնակատարի հետ հանդիպման
Զորացրված սպաները բարձրացան ՀՀ վարչապետի պաշտոնակատարի հետ հանդիպման
Կառավարության շենքի դիմաց հավաքված զորացրված սպաների մի մասը
Կառավարության շենքի դիմաց հավաքված զորացրված սպաների մի մասը

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *