Նոյեմբերի 7–10—ը Ինդոնեզիայի մայրաքաղաք Ջակարտայում Indo Defense 2018 միջազգային ռազմաարդյունաբերական ցուցահանդեսում ներկայացվել է ինդոնեզիական պետական PT Pindad (Պինդադ) ռազմարդյունաբերական ընկերության և թուրքական FNSS ընկերության հետ համատեղ ստեղծած «Կապլան-ՄՏ» (Kaplan-MT, Ինդ․՝ Harimau) միջին դասի թեթև տանկերը։ Այս մասին գրում է ռազմական թեմաներով մասնագիտացած BMPD բլոգը։
Ցուցահանդեսի ընթացքում հայտարարվել է, որ տանկերի փորձարկումն ավարտվել է և այն պատրաստ է դրվել սերիական արտադրության։ Ինչպես մինչ այս հայտարարվում էր՝ տանկերը նախատեսվում է մատակարարել Ինդոնեզիայի զինված ուժերին, իսկ Թուրքիայի զինված ուժերի սպառազինությանը մատակարարման մասին որևէ տեղեկություն չկա։
Բլոգում նշվում է, որ Ինդոնեզիայի զինված ուժերը նախատեսում են գնել 400 միավոր «Կապլան-ՄՏ» տանկ։
«Կապլան–ՄՏ» թեթև տանկի տեսակարար հզորությունը (շարժիչի հզորություն / զանգված)՝ 20 ձիաուժ/տոննա է: Մարտական զանգվածը կշռում է 25 տոննա։
Թուրքական FNSS և ինդոնեզական PT Pindad ռազբաարդյունաբերական ընկերությունների արտադրած «Կապլան-ՄՏ» (Kaplan-MT, Ինդ․՝ Harimau) միջին դասի թեթև տանկը
Տանկի կորպուսը և պահեստամասերը ամբողջությամբ հավաքել է թուրքական FNSS ընկերությունը։ Տանկի աշտարակը բելգիական արտադրության CMI Cockerill 3105 է։ Անձնակազմում երեք հոգի են։ Հիմնական զենքը — 105 մմ Cockerill դասի թնդանոթ է, ունի նաև Լրացուցիչ զենք՝ 7,62 մմ գնդացիր։
Հիշեցնենք, որ Ինդոնեզիայի և Թուրքիայի միջև «Կապլան–ՄՏ» տանկերի արտադրության պայամանագիրը կնքվել է 2014-ին։ Նախորդ տարվա մայիսին տանկի առաջին նախատիպը ներկայացվել էր Թուրքիայում IDEF-2017 միջազգային ռազմարդյունաբերական ցուցահանդեսի ընթացքում, իսկ երկրորդը՝ 2017թ․ հոկտեմբերին Ինդոնեզիայում՝ զորահանդեսի ժամանակ։ Մինչ այդ՝ 2016թ․, տանկի մակետը ներկայացվել էր Indo Defence 2016 ցուցահանդեսի ընթացքում։