Ադրբեջանի խորհրդարանը նոյեմբերի 13–ին առաջին ընթերցմամբ ընդունել է 2019թ․ բյուջեի նախագիծը։ Պաշտպանական ոլորտի ծախսերում ֆիննախարարության հրապարակած նախագծի համեմատ փոփոխություն չկա․ դրանց հատկացվելու է ~3 մլրդ 38 մլն մանաթ։
Բյուջեի նախագիծը հրապարակվել է Ադրբեջանի խոհրդարանի պաշտոնական կայքում։
Ըստ բյուջեի նախագծի՝ պաշտպանական ծախսերը 2018թ․ համեմատ ավելանալու են 4,6 տոկոսով (~ 132 մլն մանաթ):
Ադրբեջանի 2019 թ. պաշտպանական բյուջեն. նախագիծ
Մանաթ | Դոլլար | ||
8.2. | Պաշտպանություն | 3037618152 | 1786834207 |
8.2.1. | Պաշտպանության ուժեր | 1494074656 | 878867445 |
8.2.2. | Ազգային անվտանգություն | 156989306 | 92346651 |
8.2.3. | Կիրառական հետազոտություններ | 2800878 | 1647575 |
8.2.4. | Այլ | 1383753312 | 813972536 |
«Այլ» բաժնով 2017 թ. առաջին անգամ նման խոշոր գումար հատկացվեց, որի զգալի մասը, ինչպես այդ ժամանակ ենթադրել էինք, ուղղվում է զենքի գնումներին, ռազմարդյունաբերական ծախսերին:
Բյուջեի նախագիծը դեռ պետք է երկրորդ ընթերցմամբ ընդունվի խորհրդրանում, այնուհետև վավերացվի նախագահ Իլհամ Ալիևի կողմից։ Միայն նախագահի ստորագրությունից հետո այն կմտնի ուժի մեջ։
Հիշեցնենք, որ հոկտեմբերի 30–ին Ադրբեջանի ֆինանսների նախարարության հրապարակած 2019թ․ բյուջեի նախագծով 2018թ․ բյուջեի համեմատ աճել է պաշտպանական ուժերի ու ազգային անվտանգության հատկացումները, որոնք ուղղվելու են պաշտպանության նախարարությանը, պետական սահմանապահ ծառայությանը, պետական անվտանգության ծառայության և արտաքին հետախուզության ծառայությանը։ Մյուս բաժինների հատկացումները գրեթե չեն փոխվել։
Հայաստանի 2019թ․ բյուջեի նախագիծը՝ այստեղ։