Նոյեմբերի 14-ին հրաժարականի դիմում է ներկայացրել Իսրայելի պաշտպանության նախարար Ավիգդոր Լիբերմանը: Հրաժարականը կապված է «Համասի» հետ հրադադար հաստատելու մասին Իսրայելի կառավարության որոշման հետ:
Ըստ իսրայելական The Jerusalem Post լրատվակայքի՝ Լիբերմանը կառավարության որոշումը որակել է որպես «ահաբեկչությանը հանձնվել»:
Նախքան հրաժարականի մասին հայտնելը նա խորհրդակցել է իր կուսակցության՝ «Իսրայել Բեյթենուի» հետ, ով կոալցիա է կազմել իշխող «Լիխուդ» կուսակցության հետ: Իսրայելական մամուլում շրջանառվում են լուրեր, որ հրաժարական են տալու ևս 3 նախարարներ՝ երկուսը իշխող «Լիխուդից», ևս մեկն էլ «Իսրայել Բեյթենուից»:
Հիշեցնենք, որ նոյեմբերի 11-ից լարված է իրավիճակը Գազայի հատվածի շուրջ: «Համասը» հարյուրավոր հրթիռներ է արձակել Իսրայելի ուղղությամբ, վերջինս իր հերթին իրականացրել է հատուկ գործողություններ:
Նշենք, որ Լիբերմանը պրոադրբեջանական գործիչ է, եղել է Իսրայել-Ադրբեջան խորհրդարանական բարեկամական խմբի ղեկավար: