Թուրքիայի խորհրդարանը երկարացրեց բանակի՝ Իրաքում և Սիրիայում ռազմական գործողությունների մանդատը

Հոկտեմբերի 3-ին Թուրքիայի խորհրդարանը որոշում է ընդունել ևս 1 տարով երկարացնելու երկրից դուրս՝ Իրաքում և Սիրիայում ռազմական գործողություններ իրականացնելու մանդատը։ 

Այս մասին հայտնում է թուրքական պետական «Անադոլու» գործակալությունը։

Մանդատը երկարացվել է մինչև 2019թ․ հոկտեմբերի 30-ը։

Այս մանդատով՝ Թուրքիայի զինված ուժերը իրավունք են ստանում «երկրի անվտանգությանը ուղղված սպառնալիքների չեզոքացման, հակաահաբեկչական պայքարի, Իրաքի և Սիրիայի տարածքում գործող ահաբեկչական խմբավորումների հարձակումները խոչընդոտելու նպատակով» Թուրքիայի տարածքից դուրս գործողություններ իրականացնել և սեփական տարածքը տրամադրել այլ պետություններին:

Հիշեցնենք, որ Թուրքական զինված ուժերը Սիրիայի հյուսիսում 2018թ․ հունվարի 20-ից սկսեցին իրականացնել «Ձիթենու ճյուղ»ռազմական գործողությունը, իսկ մարտի 18-ին արդեն հայտարարվեց թուրքական զինված ուժերի կողմից սիրիական Աֆրինի գրավման մասին։

Աֆրինում Թուրքիայի ԶՈւ և նրանց աջակցող զինյալների «Ձիթենու ճյուղ» գործողություն. հունվար 2018թ.

Աֆրինում Թուրքիայի ԶՈւ և նրանց աջակցող զինյալների «Ձիթենու ճյուղ» գործողություն. հունվար 2018թ.

Իսկ 2016թ․ օգոստոսից մինչև 2017թ․ մարտը Թուրքիան Սիրիայում իրականացրեց «Եփրատի վահան» գործողությունը և արդյունքում կարողացավ գրավել 2000 քառ․ կմ տարածք Սիրիայի հյուսիսում։

Թուրքիայի ԶՈւ տանկերը և Սիրիայի թուրքմեն զինյալները՝ Ջերաբլուսի ճամփին

Թուրքիայի ԶՈւ տանկերը և Սիրիայի թուրքմեն զինյալները՝ Ջերաբլուսի ճամփին

Այժմ՝ Թուրքիան, սկսած 2007թ․–ից, ռազմական գործողություններ է իրականացնում Իրաքի հյուսիսում տեղակայված «Քրդստանի աշխատավորական կուսակցությանը» (PKK) պատկանող ճամբարների վրա, դրանք հայտարարելով ահաբեկչական։

Ինչպես նաև, այս տարի սեպտեմբերի 17-ին ՌԴ նախագահ Վլադիմիր Պուտինը և Թուրքիայի նախագահ Էրդողանը պայմանագիր ստորագրեցին, որով սիրիական Իդլիբի շրջանում մինչև հոկտեմբերի 15-ը պետք է ստեղծվի ապառազմականացված գոտի, որտեղ պարեկային ծառայություններ են անելու Թուրքիայի և Ռուսաստանի զինված ուժերը։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *