Սեպտեմբերի 25-ին Բաքվում անցկացվող ADEX-2018 միջազգային ռազմատեխնիկական ցուցահանդեսին ներկայացվել են հատուկջոկատայինների համար նախատեսված նոր տեսակի դիպուկահար հրացանները։ Այս մասին հայտնում է ադրբեջանական Trend լրատվական գործակալությունը։
Ըստ աղբյուրի՝ հրացանը կշռում է 11կգ, իսկ հեռահարությունը 1500 մետր։ Սակայն պետք է նշել նաև, որ Army recognition հաղորդման մեջ էլ հրացանը ներկայացնելիս նշվում է 2000 մետր հեռահարության մասին։ Այն դեռևս անուն չունի։
Նշվում է, որ նոր զինատեսակի արտադրությունը արդեն սկսվել է, և մոտակա ժամանակներում այն կփորձարկվի և կհանձնվի Ադրբեջանի զինված ուժերին։
Հիշեցնենք, որ ADEX-2018 ռազմական ցուցահանդեսի բացումը եղել է այսօր՝ սեպտեմբերի 25-ին Բաքվում։