Ադրբեջանի Մոբիլիզացիայի և զորակոչի պետական ծառայությունը հայտնում է, որ զորակոչի իրականացման գործընթացում փոփոխություններ են եղել։
Համաձայն ծառայության հաղորդագրության՝ այսուհետ զորակոչիկների ու նրանց հարազատների բջջային հեռախոսներին ուղարկվելու են կարճ հաղորդագրություններ (SMS), որտեղ ընդգրկված է լինելու այն զորամասի մասին տեղեկություններ, որտեղ էլ տվյալ զորակոչիկը պետք է ծառայի։
Այս հարցին վերաբերող օրինագիծն արդեն հաստատվել է կառավարության կողմից։
Բացի այդ, զորակոչիկը հնարավորություն կստանա զորամասի մասին տեղեկությունները գտնել Մոբիլիզացիայի և զորակոչի պետական ծառայության կայքի բաժնում՝ էլեկտրոնային հասցեով ու անձնական տվյալներով կայքում գրանցվելով։