Սեպտեմբերի 22-ին ահաբեկչություն է եղել Իրանի Ահվազ քաղաքում՝ զորահանդեսի ժամանակ: Ահաբեկիչները կրակահերթ են բացել զորահանդեսով անցնող զինվորների և հավաքված ժողովրդի վրա:
Ինչպես հայտնում է իրանական IRNA լրատվական գործակալությունը, զոհերի թիվը հասնում է 24-ի, որոնց թվում կան կանայք և երեխաներ: Վիրավորվել է ավելի քան 53 հոգի:
Միջադեպի առիթով հայտարարություն է արել Իրանի արտգործնախարար Ջավադ Զաարիֆը: Ըստ հայտարարության՝ պատասխանատվությունը դրվում է «ահաբեկչության տարածաշրջանային հովանավորների և ԱՄՆ-ից նրանց տերերի վրա․․․»:
Որպես ահաբեկչության կազմակերպիչ է նշվում Իրանի Խուզեսթանի անջատողական «Ալ-Ախվազ» խմբավորումը: