Հայաստանում ռուսական ռազմաբազան հայտարարել է մարտական պատրաստվածության ստուգումներ

Սեպտեմբերի 17-ին Գյումրիում տեղակայված ՌԴ ԶՈւ 102-րդ ռազմաբազայում վարժանքներ են անցկացնում, որի ընթացքում ուսումնական տագնապից հետո ստուգել են մարտական պատրաստվածությունը:

Այս մասին հայտնում է «ՌԻԱ Նովոստի» գործակալությունը, հղում անելով ՌԴ ԶՈւ Հարավային ռազմական շրջանի մամուլի ծառայության պետ, գնդապետ Վադիմ Աստաֆևին:

Նշվում է, որ ստուգմանը ներգրավել են ռազմաբազայի բոլոր միավորումները և զորամասերը: Վարժանքների արդյունքում գնահատվելու են հետախուզա-հարվածային առաջադրանքների կատարման հմտությունները, ինչպես նաև շարժվող կառավարման կետերի պաշտպանության և քողարկման ապահովումը:

Վարժանքները կավարտվեն «Ալագյազ» և «Կամխուդ» զորավարժարաններում, ուր կհասնեն երթով:

Նանե Պետրոսյան

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *