Սեպտեմբերի 5-ին հայտնի է դարձել, որ Ուկրաինան շահել է 40 մլն դոլարի տենդեր, որով պատրաստվում է վերանորոգել և արդիականացնել Թուրքիայի ժանդարմերիայի ՄԻ-17 ուղղաթիռները։
Այս մասին իր թվիթերյան էջում գրել է Ուկրաինայի ՆԳ նախարար Արսեն Ավակովը․
Україна виграла тендер ” 40 млн.$ на ремонт та модернізацію 17-ти вертольотів МІ-17 турецької жандармерії. Реалізовується компанією «Мотор-Січ» та ремонтним заводом у Конотопі.
Ми маємо унікальну компетенцію в сфері авіаремонту. Співпраця з Туреччиною🇹🇷 ” це наша стратегія pic.twitter.com/dQq3YH7Dqz— Arsen Avakov (@AvakovArsen) September 5, 2018
Ավակովը նշել է, որ ծրագրի շրջանակներում կարդիականացվի թվով 17 ուղղաթիռ։ Դրանք արդիականացվելու են Ուկրաինայի Կոնոտոպ քաղաքի գործարաններից մեկի և տեղական «Մոտոր–Սիչ» ընկերության կողմից։
Մինչ Ավակովի հայտարարութունն էլ Ուկրաիների ՆԳ նախարարության պաշտոնական կայքը ներկայացրել էր Ավակովի և Թուրքիայի ՆԳ նախարար Սուլեյման Սոյլուի սեպտեմբերի 4-ի հանդիպման և համագործակցության համաձայնագրի մանրամասները։
Հանդիպման ժամանակ ևս Ավակովը հայտարարել էր ուղղաթիռների արդիականացման և Ուկրաինա–Թուրքիա ռազմական համագործակցության մասին․
«Կա համաձայնություն սահմանապահների, գվարդիայի, ոստիկանության և փրկարարների համագործակցության մասին։ Ինչպես նաև, ես շնորհակալ եմ ռազմական ոլորտի համագործակցության համար։ Հիմա մենք իրականացնում ենք ուղղաթիռների արդիականացման խոշոր ծրագիր։ Կլինի 18 ուղղաթիռ»,– նշել էր Ուկրաինայի ՆԳ նախարարը։
Թուրքիայի ՆԳ նախարարության թվիթերյան էջում ևս հայտարարվել էր հանդիպման մասին․
Bakanımız Sn.@suleymansoylu ve Ukrayna İçişleri Bakanı Sn.@AvakovArsen tarafından, Bakanlığımız ve Ukrayna İçişleri Bakanlığı arasında Ortak Niyet Beyanı imzalandı pic.twitter.com/kzBRdAwFoA
— İçişleri Bakanlığı (@TC_icisleri) September 4, 2018