Հայաստանում ռուսական ռազմաբազայի հրետանավորները և օդաչուները համատեղ վարժանքներ են արել

Հայաստանում տեղակայված ՌԴ ԶՈւ 102-րդ ռազմաբազայի հրետանավորները, ավիացիոն և ՀՕՊ ուժերը համատեղ վարժանքների ընթացքում ոչնչացրել են պայմանական «հակառակորդի» կենդանի ուժն ու կարևոր օբյեկտները։

Այս մասին սեպտեմբերի 6–ին հայտնում է «ՌԻԱ Նովոստի» գործակալությունը։

Վարժանքներին ներգրավվել են զենիթահրթիռային համալիրներ, Մի-8ՄՏ բազմանպատակային և Մի-24Պ հարվածային ուղղաթիռներ, ԱԹՍ–ներ, կապի հետախուզման և ղեկավարման միջոցներ։

«Ալագյազ» զորավարժարանում ավիացիայի նշանառուները և հետախույզները ապահովել են հրետանավորներին, ՀՕՊ ստորաբաժանումներին և օդաչուներին կորդինատներով՝ կիրառելով կապի հետախուզման և ղեկավարման «Ստրելեց» համալիրներ և ԱԹՍ–ներ։

Զորավարժություններն անցկացնում են օգոստոսի 20–ից մինչև սեպտեմբերի 15–ը՝ ռազմաբազայի հրամանատարի ղեկավարությամբ։

 

 

Նանե Պետրոսյան

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *