Մոնթե Մելքոնյանի անվան ռազմամարզական վարժարանն այս տարի ընդունվել է 75 աշակերտ։ Այս մասին Ռազմինֆոյին հայտնեց վարժարանի ուսումնական գծով պետի տեղակալ Վանիկ Մինասյանը։
Մոնթե Մելքոնյանի անվան վարժարանի կուրսանտը՝ կրակային պատրաստության նորմատիվները հանձնելիս
Նրա խոսքով վարժարանն այս տարի ունեցել է 115 դիմորդ։
Անցած տարի առաջին անգամ վարժարան ընդունվելու համար մրցույթ էր եղել, մեկ տեղի համար երեք դիմորդ։ Արդյունքում ընդունվել էր 210 աշակերտ։
Հիշեցնենք, որ ապրիլին հայտնել էին, որ վարժարանի 10-րդ դասարան ընդունվելու համար դիմել է 600 դպրոցական: Մինասյանի խոսքով՝ այս թիվը պակասել է, որովհետև շատերի առողջականը չի համապատասխանել։
«Դուք հաշվի չեք առնում, որ այս տարի ՀՀ–ում շրջանավարտների թիվը 40 տոկոսով պակասել էր։ Այդ թվից [600 հոգուց. խմբ] առողջական խնդիրներով մարդիկ կային, որոնք մեր ռազմաբժշկաբժշկական վարչությունով չանցան, մեզ մոտ քննություններով են ընդունվում․ հայոց լեզու, մաթեմատիկա և ռազմահոգեբանական թեստավորում»,–բացատրեց Վանիկ Մինասյանը։