Հայաստանը պլանավորում է գնել բազմաֆունկցիոնալ ավիացիա․ Դավիթ Տոնոյան

Այս պահին ընթացքի մեջ են սպառազինության ծրագրերի թարմացման աշխատանքները, որոնց շրջանակում պլանավորվում է ձեռքբերել նաև բազմաֆունկցիոնալ ավիացիա: Այս մասին հայտնել է պաշտպանության նախարար Դավիթ Տոնոյանը։

«Մինչև այժմ հայկական զինված ուժերը ունեցել են հստակ արտահայտված ցամաքային ուժի կերպար, օդային գերակայության համար պայքարում ապավինելով միայն ՀՕՊ և ցամաքային հրթիռային միջոցներին: Ժամանակները, սակայն, փոխվել են:

Զինված ուժերին հաղորդվելիք տարաշարժուն կերպարը պահանաջում է նաև կործանիչ-ռմբակոծիչ ավիացիայի առկայություն, քանի որ ոչ մի հրթիռային համակարգ չի փոխարինի այս կարողությանը օգտագործման ճկունության և դիմակայունության առումով»,- շեշտել է Դավիթ Տոնոյանը:

Հիշեցնենք, որ ռուսական Սու-30ՍՄ կործանիչի օդաչուական խցիկում վարչապետ Փաշինյանի լուսանկարի հրապարակումից հետո, բուռն քննարկումներտ վերսկսվեցին կործանիչների գնման հեռնակարի շուրջ։

Ռազմինֆոն փորձել էր վերլուծել, թե արդյոք իսկապե՞ս Հայաստանին պետք է այդպիսի թանկ զենք։ Ի՞նչ առավելություններ այն կտա, ի՞նչ պոտենցիալ ռիսկեր է պարունակում։

One response to “Հայաստանը պլանավորում է գնել բազմաֆունկցիոնալ ավիացիա․ Դավիթ Տոնոյան

  1. Մհեր Հարությունյան

    Գեներալ-Լեյտենանտ Ստեփան Գալստյանի աչքը լույս, ՍՈՒ -25 -ի թռիչքից( թղթի վրա ինքնաթիռները թռչում էին, իսկ իրականում կայանատեղում կանգնած էին) մի քանի տոննա նավթ էր յուրացնում, հիմա արդեն մի քանի տասնյակ տոննա կյուրացնի։ Պրն. Փաշինյանը մոռացել է, կարմիր կովի և կաշվի պատմությունը։
    Պահեստազորի ավագ Լեյտենանտ Մհեր Հարությունյան։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *