Սիրիայի մայրաքաղաք Դամասկոսի արևմուքում գտնվող Մեզա ռազմական օդանավակայանի մոտ ուժեղ պայթյուն է գրանցվել։ Այս մասին հաղորդել է Սիրիայի պետական հեռուստաընկերությունը։
Սիրիական հեռուստատեսությունը պայթյունը ներկայացրել է որպես ռազմական օդանավակայանի դեմ ուղղված քայլ։
Պաշտոնական աղբյուրները դեռ հստակ տվյալներ չեն հրապարակել զոհերի և տուժածների վերաբերյալ։
Մարդու իրավունքների սիրիական դիտորդական խմբի տվյալներով՝ Կառավարական բանակի շուրջ 20 զինվոր է սպանվել ու վիրավորվել պայթյունի հետևանքով։
Դամակոսի այս շրջանում են գտնվում նաև մի շարք պետություների դեսպանատներ։
Նշենք, որ 2011 թվականի մարտից Սիրիայում ընթացող քաղաքացիական պատերազմի հետևանքով զոհերի թիվն անցնում է 80 հազարը։