ՀՀ ՊՆ արդի տեխնոլոգիաների խմբում ծառայելու համար մրցույթի անցողիկ շեմը ավելի քան 200 հոգուց հաղթահարել է 9 նորակոչիկ։ Այս մասին հայտնել է ԱԿՀ վարչության ավտոմատացված կառավարման համակարգերի բաժնի պետ, գնդապետ Արամ Գևորգյանը ՀՀ ՊՆ «Հայ զինվոր» պաշտոնաթերթին։
Նշենք, որ մրցույթն անցկացվել է հունիսի 26-ին, 27-ին։ Այն անցկավում է արդեն 4-րդ տարին, այս զորակոչին առաջին անգամ դիմել էր 200-ից ավելի նորակոչիկ։
Մեզ հետ զրույցում հանձնաժողովի անդամ, ITSecurity LLC ընկերության տնօրեն Արմեն Գնունին հայտնել էր, որ իրականում ստորաբաժանումը համալրող զորակոչիկների կոնկրետ թվի սահմանափակում չկա: Սակայն առհասարակ թիվը հիմնականում մոտենում է 10-15-ի՝ բոլոր մասնագիտացումները միասին:
Հանձնաժողովի անդամները նաև վստահեցրել էին, որ այս տարի դիմորդների ոչ միայն թիվն է կրկնապատկվել, այլև որակը։