Պայմանագրայինի վարձած բնակարանի վճարը տալիս է պետությունը. ինչքա՞ն

[Լրացում]ՀՀ պաշտպանության նախարարությունը մշակել է օրինագիծ, որով հստակեցվում են զինծառայողի վարձակալած բնակարանի վարձի չափը և  կարգը։ Նշենք, որ եթե պետությունը պայմանագրային զինծառայողին ծառայության վայրին մոտ բնակարանով չի ապահովում, ապա պարտավորվում է տալ վարձակալման վճարը:

Դրամական փոխհատուցում վճարվում է վարձակալության պայմանագրում նախատեսված չափով, սակայն ոչ ավելի, քան՝

  • Երևանում՝ մինչև 4 հոգանոց ընտանիքին՝ 45 հազար դրամ, իսկ 4 և ավելի՝ 67 հազար 500 դրամ.
  • այլ քաղաքներում՝ մինչև 4 հոգանոց ընտանիքին՝ 24 հազար դրամ, իսկ 4 և ավելի՝ 36 հազար դրամ.
  • այլ բնակավայրերում՝ մինչև 4 հոգանոց ընտանիքին՝ 15 հազար դրամ, իսկ 4 և ավելի՝ 22 հազար 500 դրամ:

Գումարը պետությունը վճարելու է

  • ՀՀ ՊՆ-ում, ԱԱԾ-ում, ոստիկանությունում, քրեակատարողական ծառայությունում զինծառայության մեջ գտնվող մարդկանց,
  • ՀՀ ՊՆ-ում, ոստիկանությունում, քրեակատարողական ծառայությունում քաղաքացիական ծառայության պաշտոններ զբաղեցնող կամ քաղաքացիական ծառայության կադրերի ռեզերվում գրանցված մարդկանց:

Զինծառայողի ընտանիքի անդամ համարվում են ամուսինը (կինը) և 18 տարին չլրացած երեխաները, համատեղ բնակվող՝ անգործունակ ճանաչված կամ մինչև 23 տարեկան ուսանող զավակները, ինչպես նաև համատեղ բնակվող՝ 18 տարեկան և դրանից բարձր տարիքի հաշմանդամություն ունեցող զավակները, եթե հաշմանդամություն ունեցող են ճանաչվել մինչև իրենց 18 տարին լրանալը: 

Բնակարանի համար վարձավճար չի կարող ստանալ նա,

  • ով ծառայության անցկացման վայրի համայնքից/բնակարանից մինչև 30 կմ-ի վրա ունի մշտական հաշվառում կամ սեփականության իրավունքով բնակելի տարածություն,
  • ով տվյալ վայրում ծառայության ընթացքում փոխել է մշտական հաշվառման վայրը կամ օտարել է բնակելի տարածության սեփականության իրավունքը,
  • ում ընտանիքի անդամը ծառայության անցկացման վայրի համայնքից/բնակավայրից մինչև 30 կմ-ի վրա միանձնյա սեփականության իրավունքով ունի բնակելի տարածություն,
  • ով բնակարանը վարձել է իր ամուսնուց կամ իր կամ ամուսնու ծնողից, զավակից, քրոջից կամ եղբորից:

Զինծառայողին տան համար վարձավճար տալու որոշումը կայացնելու է նոր ստեղծվող բնակարանային հարցերով զբաղվող հանձնաժողովը, որի նիստերը գումարվում են ըստ անհրաժեշտության, սակայն ոչ ուշ, քան երկու ամիսը մեկ անգամ:  Եզրակացություններն ընդունվում են ձայների պարզ մեծամասնությամբ:

Օրինագիծը հրապարակվել է հանրային քննարկումների համար նախատեսված e-draft.am կայքում:

4 responses to “Պայմանագրայինի վարձած բնակարանի վճարը տալիս է պետությունը. ինչքա՞ն

  1. Barev zez im amusin arden 5tari pajmanagrajin zintarajox e.Ev tarajum e arashnaqtum mer tun hosqi tak e bajc mez npast shen tali karox eq oqnel shnorakalutyun

  2. Barev zez im amusin arden 5tari pajmanagrajin zintarajox e.Ev tarajum e arashnaqtum mer tun hosqi tak e bajc mez npast shen tali karox eq oqnel shnorakalutyun

  3. es koxm em.es paymanagrayin zincarayox em gyumreci em carayum em erevanum.voroshelem durs gam ashxatanqic.ete tan vardzov apahovek kmnam ev mec hajuyqov kcarayem.

  4. Ayo hamamit em dzer het apahovek herika uteq erexeki [email protected]

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *