Հունիսի 1-7-ը Թուրքիայի մի քանի նահանգներում և Իրաքի հյուսիսում «Քրդստանի աշխատավորական կուսակցության» (PKK) դեմ գործողություններում սպանվել է 6 զինծառայող, վիրավորվել ևս 15-ը: Այս մասին հայտնում է Թուրքիայի ԶՈւ ԳՇ կայքը:
Թուրքիայի ուժայինները Իրաքի հյուսիսում. (արխիվ)
Գործողությունները մասնավորապես իրականացվել են Թուրքիայի հարավարևելյան Դիարբեքիր, Մարդին, Շրնաք և Իրաքի հյուսիսային շրջաններում: Ըստ թուրքական պաշտոնական ացբյուրների՝ գործողություններում «շարքից հանվել է» PKK-ի 64 մարտիկ:
Հիշեցնենք, որ Թուրքիայի ներսում քրդական ուժերի դեմ գործողություններից զատ, թուրքական զինուժը Իրաքի հյուսիսում ռազմական գործողություն է սկսել «Քրդստանի աշխատավորական կուսակցության» (PKK) դեմ: Թուրքական կողմը նախատեսում է վերացնել PKK-ի բոլոր ճամբարները և դրանց տեղում իր բազաները ստեղծել:
Անկարան գործողությունն Իրաքի հետ չի համաձայնեցրել: Իրաքի վարչապետ Հեյդար Ալ-Աբադին Թուրքիայի գործողությունները համարել է Իրաքի տարածքային ամբողջականության խախտում: