Հունիսի 6-ին Իրաքի մայրաքաղաք Բաղդադի Մադինաթ աս-Սադր արվարձանում պայթյունի արդյունքում զոհվել է առնվազն 18 մարդ, ևս 90 մարդ վիրավորվել է: Իրաքի ոստիկանությունից հայտնել են, որ միջադեպը եղել է զինամթերքի պայթյունը արդյունքում: Փոխանցում է Reuters գործակալությունը:
Ոստիկանությունը հետաքննություն է սկսել դեպքի մանրամասները պարզելու համար: Ըստ աղբյուրի՝ զինամթերքը թաքցված է եղել մզկիթում և դրա տեղափոխության ժամանակ էլ պայթյունը ի հայտ է եկել: Ավելի վաղ Իրաքի պետական պաշտոնյաները միջադեպը գնահատել են, որպես ահաբեկչական հարձակում:
Մադինաթ աս-Սադր արվարձան ազգայնական գործիչ, Իրաքի շիանների ազդեցիկ գործիչ և հոգևորական Մուքթադա ալ-Սադրի հենարանն է: Ալ-Սադրի քաղաքական դաշինքը հաղթել է մայիսի 12-ի խորհրդարանական ընտրություններում: Խորհրդարանը պահանջում է ձայների վերահաշվարկ իրականացնել:
Նշենք, որ մայիսին ևս 2 ինքնաշեն պայթուցիկ սարք է պայթել Իրաքի Կոմունիստական կուսակցության շտաբերում: Այդ կուսակցությունը ևս Մուքթադա ալ-Սադրի դաշինքի մաս է կազմում:
The magnitude of devastation caused by an explosion in #Iraq’s Sadr city district yesterday. pic.twitter.com/MliMZjusQ4
— Rudaw English (@RudawEnglish) June 7, 2018