Մայիսի 29-ին Սիրիան ճանաչել է Աբխազիայի և Հարավային Օսիայի անկախությունը: Ի պատասխան Դամասկոսի քայլի՝ Վրաստանը սկսել է Սիրիայի հետ դիվանագիտական հարաբերությունների խզման գործընթաց:
Փոխադարձ ճանաչման և դիվանագիտական հարաբերություններ հաստատելու մասին մայիսի 29-ին հայտնել են Հարավայի Օսիայի արտգործնախարարության և Աբխազիայի նախագահի կայքերը: Երկրները դիվանագիտական հարաբերություններ են հաստատելու դեսպանների մակարդակով:
Կմյունկիեյի հրապարակման նախորդ օրը՝ մայիսի 28-ին, կայացել էր Ռուսաստանում Աբխազիայի, Հարավային Օսիայի և Սիրիայի դեպանների հանդիպում, ինչի ընթացքում էլ կողմերը համաձայնեցրել էին փոխադարձ ճանաչման և դիվանագիտական հարաբերություններ հաստատելու մասին տեքստը:
Այս քայլն առաջացրել է Վրաստանի դժգոհությունը: Վրաստանի ԱԳՆ-ից Սիրիային մեղադրել են հակաօրինական գործողությունների մեջ և այդ գործողությունները պայմանավորել «Ռուսաստանի կողմից մանիպուլյացիայով»: Վրաստանը սկսում է Սիրիայի հետ դիվանագիտական հարաբերությունների խզման գործընթաց, ինչպես նաև կոչ անում միջազգային հանրությանը ձեռնարկել համապատասխան քայլեր: