Մայիսի 18-ին Թուրքիայի ԶՈւ ցամաքային զորքերի հրամանատարության է հանձնվել թուրք-իտալական համատեղ արտադրության ևս մեկ միավոր «Աթաք» (T-129 Atak) հարվածային ուղղաթիռ: Այս մասին հայտնում է Թուրքիայի պաշտպանական արդյունաբերության գլխավոր վարչությունը Twitter-ի միկրոբլոգում:
Kara Kuvvetleri Komutanlığı’na bir adet daha T129 Atak helikopteri teslim edildi. Böylece güvenlik güçlerimizin envanterlerine giren T129 Atak helikopteri sayısı 35 oldu. pic.twitter.com/UA4IeTt5OA
— SSM (@SavunmaSanayii) May 18, 2018
Ըստ պաշտոնական աղբյուրի՝ Թուրքիայի ուժային կառույցներին՝ բանակին, ժանդարմերիային, արդեն 35 միավոր «Աթաք» ուղղաթիռ է հանձնվել: Մեր ունեցած տվյալների համաձայն՝ ցամաքային զորքերին արդեն հանձնվել է 31 ուղղաթիռ: Նշենք, որ ժանդարմերիան առաջին անգամ ստացել է այս ուղղաթիռներից 2018-ի փետրվարին:
Ուղղաթիռներից առնվազն մեկը Թուրքիան արդեն հասցրել է կորցնել Սիրիայի Աֆրին շրջանում 2018 թ. հունվարի 20-ից սկսած ռազմագործողության ընթացքում:
T-129 Atak հարվածային ուղղաթիռի ՄՏԲ.
- Թռիչքի առավելագույն արագությունը՝ 269 կմ/ժ,
- Առավելագույն բեռնատարողությունը՝ 1200 կգ,
- Թռիչքի առավելագույն բարձրությունը՝ 6 կմ,
- Գործողության իրականացման առավելագույն բարձրությունը՝ 3 կմ
- Մեկ լիցքավորմամբ հաղթահարվող տարածությունը՝ 561 կմ: