Մայիսի 9-ին Ադրբեջանում ավարտվել են հրթիռային ստորաբաժանումների մարտական կրակով ուղեկցված վարժանքները: Զորավարժությանը ներգրավվել են նաև թուրքական արտադրության 302 մմ տրամաչափի «Քասըրղա» համազարկային կրակի ռեակտիվ համակարգեր: Վարժանքների մասին հայտնել էր Նախիջևանի հեռուստաընկերությունը:
Զորավարժությունն անցկացվել է հակահարձակողական սցենարով: Ըստ ներկայացված սցենարի՝ «կասեցվել է թշնամու հանկարծակի հարձակումը, վերականգնել են պաշտպանության ձեռնտու գծերում վերահսկողությունը»:
Դատելով հրապարակված տեսանյութից՝ վարժանքներին ներգրավվել են T-300 «Քասըրղա» համազարկային կրակի ռեակտիվ համակարգեր (տեսանյութում երևում է 3 արձակման կայան):
Թուրքական այդ համակարգերն Ադրբեջանում առաջին անգամ ցուցադրվել են 2016 թվականին, իսկ անմիջապես Նախիջևանում՝ 2017 թ.:
T-300 «Քասըրղա» (Kasırğa) ՀԿՌՀ
- Տրամաչափը՝ 302 մմ,
- Հեռահարությունը,
- առավելագույնը՝ 100+ կմ,
- նվազագույնը՝ 40 կմ,
- Հրթիռների քանակը՝ 4,
- Մարտագլխիկի զանգվածը՝ 150 կգ: