Թուրքիայի ռազմական-ավիացիոն արտահանումները 2018-ի ապրիլին

2018-ի ապրիլին Թուրքիան Ադրբեջան է արտահանել շուրջ 390 հազար ամերիկյան դոլարի ռազմական և ավիացիոն նշանակության արտադրանք: Մարտին արտահանումները կազմել են 4,9 միլիոն: Այսինքն, ապրիլին դրանք նվազել են շուրջ 12 անգամ: Տվյալները հրապարակված են Թուրքիայի արտահանողների խորհրդի (Türkiye İhracatçılar Meclisi — TİM) պաշտոնակայքում:

Նույն ժամանակահատվածում Թուրքիայից Վրաստան ռազմական-ավիացիոն արտադրանքների արտահանումները կազմել են 170 հազար դոլար: Մարտին դրանք կազմել են 187 հազար դոլար, այսինքն, ապրիլին արտահանումների ծավալներում մեծ փոփոխություն չի եղել:

Ապրիլին Թուրքիան Իրան է արտահանել 243 հազար դոլարի ռազմական-ավիացիոն արտադրանք: Մարտին Թուրքիայից Իրան ռազմական-ավիացիոն արտադրանքների մատակարարումներ չեն եղել:

2018-ի ապրիլին Թուրքիայի ռազմական-ավիացիոն արտադրանք ստացած երկրների շարքում առաջատարներն են.

  • ԱՄՆ — 69 միլիոն
  • Օման – 49,6 միլիոն
  • Գերմանիա — 15,5 միլիոն

Նշենք, որ Օման արտահանումների մեծացումը հավանաբար պայմանավորված է այդ երկրի թուրքական  FNSS ռազմարդյունաբերական ընկերությունը արտադրության Pars 8×8 զրահափոխադրիչների արտահանումով:

Ընդհանուր առմամբ, Թուրքիան մարտին այլ երկրներ է արտահանել շուրջ 190 միլիոն ամերիկյան դոլարի ռազմական-ավիացիոն արտադրանք:

Մարտ ամսվա տվյալներին կարող եք ծանոթանալ այստեղ:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *