Վրաստանի ԶՈւ Սաչխերիի լեռնային պատրաստության դպրոցում ֆրանսիացի հրահանգիչների ղեկավարությամբ անցկացվում է մարտավարական լեռնային պատրաստության դասընթաց: Այն ենթադրում է հետևակային դասակների մակարդակում բարձրլեռնային գոտիներում մարտական գործողությունների վարման ուսուցանում: Այս մասին մայիսի 10-ին հայնտել է Վրաստանի ՊՆ կայքը:
Դասընթացի բացման արարողությանը մասնակցել են Վրաստանի պաշտպանության նախարար Լևան Իզորիան, Վրաստանում Ֆրանսիայի դեսպան Պասկալ Մենյեն և մի շարք երկրների ռազմական կցորդներ:
Վրացի զինծառայողները՝ մարտավարական լեռնային պատրաստության դասընթացի բացման արարողությանը. մայիս 2018թ.
Հիշեցնենք, որ Վրաստանի և Ֆրանսիայի զինված ուժերը վաղուց են համագործակցում զինանձնակազմի պատրաստության ոլորտում: Հենց Ֆրանսիայի օգնությամբ է կառուցվել Սաչխերեի լեռնային պատրաստության դպրոցը, որտեղի հրահանգիչները պատրաստություն են անցել Ֆրանսիայում: