Մայիսի 9-ին Թուրքիայի զինված ուժերը արդեն 10-րդ «դիտարկման կետն է» ստեղծել Սիրիայի հյուսիսային Իդլիբ նահանգի «ապաէսկալացման գոտում: Այն սահմանակցում է Հալեպ նահանգին: Այս մասին հայտնում է թուրքական պետական «Անադոլու» գործակալությունը:
Ըստ աղբյուրի՝ թուրքական զորքերը տեղակայման վայրից ոչ շատ հեռու գտնվում են Սիրիայի կառավարական բանակի դիրքերը:
Դեռևս մայիսի 2-ից Թուրքիայի ԶՈւ-ն զինծառայողների և զինտեխնիկայի հերթական խումբն ուղարկվել է Սիրիայի հյուսիային Իդլիբ նահանգի «ապաէսկալացման գոտի»:
Թուրքիան այսպես կոչված «դիտարկման կետեր» է ստեղծում Իդլիբի «ապաէսկալացման գոտու» տարածքում: Թուրքիայի զինուժը Իդլիբում սկսվել է հաստատվել դեռևս 2017-ի հոկտեմբերից:
Սիրիայի Իդլիբ նահանգում զինուժ տեղակայելու վերաբերյալ Թուրքիան համաձայնության է եկել Աստանայում Իրանի և Ռուսաստանի հետ: Այս երեք երկրները հանդիսանում են երաշխավորներ Սիրիայում հրադադարի ռեժիմի պահպանման և «ապաէսկալացման գոտիների» ստեղծման համար:
Բացի Իդլիբ նահանգից, Թուրքիայի վերահսկողության տակ են գտնվում նաև Ջերաբլուսից-Ազազ ընկած հատված, որը թուրքական բանակը գրավել է 2016-2017թթ. իրականացրած «Եփրատի վահան» գործողության արդյունքում, և Աֆրինի շրջանը, որն էլ գրավվել է 2018թ. հունվարին սկսված «Ձիթենու ճյուղ» գործողության արդյունքում:
Թուրքիան շարունակում է զորախմբեր մտցնել Սիրիայի տարածք:
Posted by Razm.Info on Wednesday, May 2, 2018