Ֆրանսիան կրկին կհարվածի Սիրիային, եթե Ասադը քիմիական զենք կիրառի. Ֆրանսիայի ՊՆ

Ֆրանսիայի պաշտպանության նախարար Ֆլորենս Պարլին հայտարարել է, որ իրենք կրկին կհրթիռակոծեն Սիրիայի տարածքը, եթե այդ երկրի ղեկավարությունը կրկին քիմիական զենք կիրառի:  Այս մասին Ֆրանսիայի ՊՆ ղեկավարը հայտարարել է RTL ռադիոյի եթերում. փոխանցում է «ՌԻԱ Նովոստին»:

Ֆրանսիայի պաշտպանական գերատեչսության ղեկավարը նշել է, թե ապրիլի 14-ի հրթիռակոծության նպատակն էր չթույլատրել, որ «Դամասկոսը կրկին քիմիական հարձակումներ իրականացնի»:

«Եթե դա կրկնվի՝ մենք կարող ենք նորից ընդունել հարվածի որոշում», – նշել է Ֆրանսիայի պաշտպանության նախարարը:

Հիշեցնենք, որ ապրիլի 14-ին ԱՄՆ-ն, Ֆրանսիան և Մեծ Բրիտանիան համատեղ հրթիռակոծել էին Սիրիայի կառավարական ուժերի վերահսկած մի շարք օբյեկտներ:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *