Ադրբեջանում ներկայացրել են նախկինում չցուցադրված, բայց «նկատված» ԱԹՍ-ներ

Ադրբեջանում ներկայացրել են ԱԹՍ-ներ, որոց առկայության մասին նախկինում թեև կային հիմնավոր ենթադրություններ, բայց հանրային ցուցադրման առարկա չէին եղել: Razm.info-ն դեռ ամիսներ առաջ էր դրանք «հայտնաբերել»:

Ապրիլի 30-ին Ադրբեջանի նախագահ Իլհամ Ալիևն այցելել է Ադրբեջանի պետական սահմանապահ ծառայության բազա, որտեղ ծանոթացել է ռազմական տեխնիկային:

Ցուցադրված տեխնիկայի թվում էին նաև իսրայելական արտադրության Hermes 450 և Hermes 900 ԱԹՍ-ները: Այս անօդաչուները նախկինում հրապարակային չէին ցուցադրվել, սակայն բաց աղբյուրներից հավաքված տեղեկությունների հիման վրա կային հիմնավոր ենթադրություններ դրանց առկայության մասին:

Այս և այլ մանրամասները մենք հանգամանորեն ներկայացրել ենք «Ռազմինֆոյի» թիմի պատրաստած «Ռազմաքաղաքական Հանդեսում»:

Իլհամ Ալիևին են ներկայացրել նաև այլ տեխնիկա, այդ թվում՝ Harop մահապարտ ԱԹՍ-ներ, որոնք Ադրբեջանը կիրառել է 2016 թ. ապրիլյան մարտերում: