Սիրիայում ռազմական օբյեկտներ են հրթիռակոծման ենթարկվել

Ապրիլի 29-ի լույս ապրիլի 30-ի գիշերը Սիրիայի Համա և Հալեպ քաղաքների մոտակայքում Սիրիայի կառավարական բանակի ռազմական օբյեկտներ են հրթիռակոծվել: Այս մասին հայտնում է սիրիական պետական «ՍԱՆԱ» գործակալությունը:

Ըստ գործակալության՝ ռազմական որոշ օբեյկտենր հարձակման են ենթարկվել «թշնամական հրթիռների միջոցով»: Աղբյուրը նշում է, որ հարվածների թիրախում են հայտնվել զենք ու զինամթերքի պահեստները: Հայտնի չէ, թե կոնկրետ ով է կանգնած այս միջադեպի հետևում:

Սիրիայի Հոմս նահանգի ավիաբազան ԱՄՆ զինուժի հարվածներից հետո. ապրիլ 2017թ.

Սիրիայի Հոմս նահանգի ավիաբազան ԱՄՆ զինուժի հարվածներից հետո. ապրիլ 2017թ.

Ռուսաստանյան «ՌԻԱ Նովոստի» գործակալությունը հայտնում է, որ հրթիռակածումից հետո զենք ու զինամթերքի պահեստներում ուժեղ հրդեհ է սկսվել: Աղբույրը նշում է, որ մասնավորապես հարձակման են ենթարկվել Համայի մոտակայքում կառավարական բանակի 47-րդ բանակի զենքերի պահեստը և Հալեպ քաղաքից արևելք ընկած ևս մեկ զենքի պահեստ, Հալեպի օդանավակայանի վրա հարձակման լուրն էլ չի համապատասխանում իրականությանը:

Հիշեցնենք, որ ապրիլի 14-ին ԱՄՆ-ն, Ֆրանսիան և Մեծ Բրիտանիան համատեղ հրթիռակոծել էին Սիրիայի կառավարական ուժերի վերահսկած մի շարք օբյեկտներ:

Սիրիական կողմը նշում է, որ հարձակումը եղել է այն բանից հետո, երբ կառավարական բանակին հաջողվել է համաձայնության գալ զինյալների հետ Դամասկոսին հարակից տարածքները և ճամբարները ամբողջությամբ լքելու հարցում:

Նշենք, որ զինյալների մի խումբ դեռ շարունակում է մնալ Սիրիայի մայրաքաղաք Դամասկոսին հարակից Արևելյան Ղուտա արվարձանում, սակայն նրանք ևս աստիճանաբար դուրս են բերվում այդ արվարձանից՝ տեղափոխվելու երկրի հյուսիսային Իդլիբ նահանգ:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *