Ապրիլի 25-ին Իրանը Թուրքիայում անցկացվող Eurasia-2018 ավիացուցահանդեսի ժամանակ ներկայացրել է 2 հետախուզական անօդաչու՝ «Յասիրը» և «Բինան»։ Ավիացուցահանդեսին Իրանից մասնակցում են ինչպես պաշտպանության նախարարությանը պատկանող ընկերություններ, այնպես էլ՝ մասնավոր։Այս մասին տեղեկացնում է իրանական «Ֆարս» լրատվական գործակալությունը։
«Յասիրը» ամերիկյան ScanEagle անօդաչու թռչող սարքի իրանական տարբերակն է. 2012 թ. Պարսից ծոցի տարածքում ամերիկյան հետախուզական անօդաչուն որսալուց հետո իրանցիները պատճենել էին այն։
Իրանի «Յասիր» ԱԹՍ-ն
«Յասիր» անօդաչու թռչող սարքը մինչ այս ներկայացվել է նաև Ռուսաստանի Ժուկովսկի քաղաքում անցկացված «ՄԱԿՍ-2017» ավիացուցահանդեսում։ «Բինա» ԱԹՍ-ն առաջին անգամն է ներկայացվում արտասահմանում։
Անօդաչուների մարտավարատեխնիկական բնութագրերը`
«Յասիր»
- Երկարությունը՝ 1,19 մ
- Թևերի բացվածքը`3 մ
- Թռիչքի բարձրությունը՝ 3 կմ
- Թռիչքի տևողությունը՝ 7-10 ժ
- Արագությունը՝ 120 կմ
- Տեսակը՝ հետախուզական
«Բինա»
- Երկարությունը ՝ 1,6 մ
- Թևերի բացվածքը՝ 2 մ
- Թռիչքի բարձրությունը՝ 350 մ
- Թռիչքի տևողությունը ՝ 1 ժամ
- Թռիչքի հեռավորությունը՝ 10 կմ
- Արագությունը՝ 75 կմ/ժ
- Տեսակը՝ հետախուզական
Eurasia-2018 ավիացուցահանդեսը անցկացվում է ապրիլի 25-29-ը Անթալիայում։
Իրանի «Բինա» ԱԹՍ-ն