Ապրիլի 12-ին Պակիստանում երևացել է Ադրբեջանի դրոշով և ՌՕՈւ նշանով MFI-395 Super Mushshak մխոցային ուսումնամարտական ինքնաթիռ: Ադրբեջանը Պակիստանի հետ ստորագրել է այդ ինքնաթիռներից 10 միավոր գնելու պայմանագիր:
Ինքնաթիռի լուսանկարը հայտնվել է պակիստանյան սփոթերական կայքում, որտեղ մարդիկ տեղադրում են տարբեր ինքնաթիռների՝ իրենց արած լուսանկարները:
Mushshak ինքնաթիռը Ադրբեջանի դրոշով Պակիստանում:
Ըստ հրապարակողի՝ լուսանկարն արվել է ապրիլի 12-ին Պակիստանի Քամրա քաղաքի շրջակայքում: Հատկանշական է, որ այդ քաղաքում է գտնվում Պակիստանի ինքնաթիռաշինական համալիրը, որտեղ էլ հենց արտադրում են Mushshak մխոցային ուսումնամարտական ինքնաթիռները:
Ադրբեջանի և Պակիստանի գործարքի մասին հայտնի էր դարձել 2017-ի հուլիսի 27-ին: Ինքնաթիռի մարտավարատեխնիկական բնութագիրը կարող եք տեսնել այստեղ: