Ապրիլի 17-ին Զինծառայողների ապահովագրության հիմնադրամը գումար է փոխանցել 2-րդ խմբի զինհաշմանդամ, ՊՆ լեյտենանտ Խաչիկ Էդուարդի Գրիգորյանին. հայտնում է հիմնադրամի կայքը:
Նրան փոխանցվել է միանվագ 5 միլիոն ՀՀ դրամ, իսկ 20 տարվա ընթացքում կտրամադրվի ամսական 200 հազար դրամ:
Ապրիլի 17-ի դրությամբ ՀՀ ՊՆ զինծառայողների ապահովագրության հիմնադրամից հատուցում են ստացել 34 զոհված զինծառայողի ընտանիք և 12 վիրավորված (հաշմանդամ) զինծառայող:
Հիմնադրամը սկսել է գործել 2017-ի հունվարից և տարածվում է 2017-ին եղած դեպքերի վրա: Սակայն գումար ստացան նաև 2016-ին դեկտեմբերի 29-ին զոհված զինծառայողները:
Այս զինծառայողների ընտանիքներին հիմնադրամով նախատեսված միանվագ 10 մլն դրամը վճարել է պաշտպանության նախարարությունը, հիմնադրամը վճարելու է 20 տարվա ընթացքում ամսական գումարները: