Ապրիլի 16-ին ՆԱՏՕ-ի գլխավոր քարտուղար Յենս Ստոլտենբերգն Անկարայում հանդիպել է Թուրքիայի նախագահին, արտգործնախարարին, պաշտպանության նախարարին: Ստոլտենբերգը հայտարարել է, որ այս տարի ևս, Թուրքիայի խնդրանքով, ՆԱՏՕ-ն իր ՀՕՊ համակարգերը թողել է այդ երկրում՝ Թուրքիայի օդային սսհմանների պաշտպանության համար: Այս մասին հայտնում է ՆԱՏՕ-ի կայքը:
ՆԱՏՕ-ի գլխավոր քրատուղարը հայտնել է, որ իրենք 2013 թվականից Թուրքիայում, այդ երկրի օդային սահմանների պաշտպանության համար, հակաօդային պաշտպանության համակարգեր են տեղակայել: Այս տարի ևս, կրկին Թուրքիայի խնդրանքով, համակարգերը մնացել են Թուրքիայում:
Իսպանիայի զինված ուժերի Patriot ՀՕՊ համակարգի արձակման կայանը՝ Ադանայի օդային տարածքը հսկելիս. (արխիվ)
Ստոլտենբերգը հավելել է, որ Թուրքիան նաև ՆԱՏՕ-ի միասնական հակահրթիռային պաշտպանության համակարգի մաս է, ինչի շրջանակներում այդ երկրում ՆԱՏՕ-ի կարևոր, էական նշանակության ռադար կա:
ՆԱՏՕ-ի գլխավոր քարտուղարը հավելել է, որ Թուրքիայի Քոնիա ավիաբազոյւմ տեղակայված վաղ նախազգուշացման և վերահսկման օդային համակարգերով սպառազինված ինքնաթիռները (AWACS) շարունհակում են օգնել Իրաքում և Սիրիայում ԱՄՆ գլխավորած կոալիցիայի գործողություններին:
Հավելենք, որ Թուրքիան փորձում է ստեղծել սեփական ՀՕՊ համակարգը՝ փորձելով աստիճանաբար հրաժարվել ՆԱՏՕ-ի օգնությունից: Այդ նպատակով Անկարան Մոսկվայի հետ ստորորագրել է Ս-400 ՀՕՊ համակարգերի ձեռքբերման համաձայնագիր: Համակարգերը, ըստ կողմերի հայտարարությունների, նախատեսվում է Թուրքիային մատակարարել 2019 թ. վերջից 2020 թ. սկզբից: ԱՄՆ-ն, ինչպես նաև ՆԱՏՕ-ն, բազմիցս իրենց դժգոհությունն են հայտնել Թուրքիայի այդ քայլի հանդեպ: