Այսօր՝ հունիսի 12-ին, Հայաստանի Ազգային հերոս, Արցախի հերոս Մոնթե Մելքոնյանի մահվան 20-րդ տարելիցն է։
Եռաբլուր պանթեոնում էին հավաքվել Պաշտպանության նախարարության ներկայացուցիչներ, նրա մարտական ընկերները, Մոնթե Մելքոնյանի անվան ռազմական վարժարանի ուսանողները, հրամանատարական կազմը և այլք։
Հերոսի շիրմի մոտ հոգևորականները կատարեցին հոգեհանգստի արարողություն, այնուհետև հավաքվածները ծաղիկներ դրեցին գերեզմանին։
Մոնթե Մելքոնյանը զոհվել է 1993 թվականի հունիսի 12-ին Աղդամի շրջանի Մարզիլի գյուղում: