Սիրիայի Տարտուսում տեղակայված ՌԴ ռազմածովային ուժերի նավերը նավահանգստից դուրս են բերվել բաց ծով: Նավահանգստում մնացել է միայն մեկ սուզանավ: Ենթադրվում է, որ նավերը դուրս են եկել վարժանքների:
Այս մասին հայտնի է դառնում իսրայելական Image Satellite Internacional ընկերության հրապարակած Տարտուսի նավահանգստի արբանյակային լուսանկարներից:
ISI reveals: Disappearance of most of the #Russian #Naval Forces from #Tartus Port, #Syria.
Those missing naval vessels have now been deployed at sea due to possible near-future #strikes. Only one #kilo class submarine remained.#russiannavy #Syriastrikes #foxnews #kilo pic.twitter.com/guRA9w0qqt— imagesatintl (@imagesatint) April 11, 2018
Ապրիլի 11-ին «Ինտերֆաքս» լրատվական գործակալությունը հայտնել էր, որ Սիրիայի մերձափնյա շրջանները փակվելու են զորավարժությունների կապակցությամբ: Չի բացառվում, որ վարժանքների անցկացումը նավախումը բաց ծով հանելու ևս մեկ առիթ է:
Սիրիայում վերջին իրադարձությունների ֆոնին նավատորմի դուրս բերումը հնարավոր է նաև պայմանավորված լինի Ասադի ուժերի վրա ԱՄՆ-ի և նրա դաշնակիցների կողմից հարվածի սպասումով:
Ըստ Marine Traffic կայքի տվյալների՝ Տարտուսի և Լաթաքիայի մերձափնյա շրջանները ներկայումս դատարկ են և մասնավոր նավերը շրջանցում են այդ տարածքները:
Սիրիայի մերձակա ջրերը ապրիլի 12-ի դրությամբ. Marine Traffic
Հիշեցնենք, որ ԱՄՆ-ն և դաշնակիցները Ասադին մեղադրում են հերթական անգամ քաղաքացիական բնակչության դեմ քիմիական զենքի օգտագործման համար: Ռուսաստանը հայտարարել է, որ եթե հարվածներից տուժեն ռուսաստանցի զինծառայողներ, նրանք դա անպատասխան չեն թողնի: