Սիրիայի մայրաքաղաք Դամասկոսին կից Արևելյան Ղուտայի շրջանի Դումա քաղաքն ամբողջությամբ անցել է կառավարական բանակի վերահսկողության ներքո: Այս մասին ապրիլի 12-ին հայտարարել է Սիրիայում հակամարտող կողմերի հաշտեցման ռուսաստանյան կենտրոնի ղեկավար Յուրի Եվտուշենկոն: Փոխանցում է «ՌԻԱ Նովոստի» գործակալությունը:
Նա նաև նշել է, որ առաջիկա օրերին շարունակվելու է Դումա քաղաքում գործող «Ջեյշ ալ-Իսլամ» խմբավորման մյուս խմբերի դուրս բերման աշխատանքները: Ապրիլի 12-ին քաղաքից դուրս է բերվել 1521 զինյալ և նրանց ընտանիքի անդամները:
Syrian Forces Liberate Douma, Fully Control Eastern Ghoutahttps://t.co/idZuMAgiqi#Russia#Douma#Terrorists#SyrianArmy#EastGhouta pic.twitter.com/youyCrFA94
— Alwaght (@EnglishAlwaght) April 12, 2018
Նույն օրը ՌԴ պաշտպանության նախարարությունը հայտնել է, որ Դումայում արդեն սկսել են աշխատել Ռուսաստանի ԶՈւ ռազմական ոստիկանության ստորաբաժանումները:
Հիշեցնենք, որ տարածվող մի շարք տեղեկությունների՝ ԱՄՆ-ն և Վաշինգտոնի դաշնակից մի քանի երկիր պատրաստվում են հրթիռակոծել Սիրիայի կառավարական ուժերի դիրքերը՝ Բաշար ալ-Ասադին մեղադրելով ապրիլի 7-ին Դումա քաղաքում քիմիական զենքի կիրառման համար: Մոսկվան նախազգուշացրել է, որ եթե հարվածներից տուժեն ռուս զինծառայողներ՝ իրենք դա անպատասխան չեն թողնի:
Ավելի ուշ ԱՄՆ նախագահ Դոնալդ Թրամպը Twitter-ի իր միկրոբլոգում հրթիռներով սպառնացել է Սիրիային և Ռուսաստանին:
«Պատրաստվի՛ր, Ռուսաստան, քանի որ նրանք (հրթիռները) կգան՝ գեղեցիկ, նոր ու «խելացի»», – Թրամպ:
Russia vows to shoot down any and all missiles fired at Syria. Get ready Russia, because they will be coming, nice and new and “smart!” You shouldn’t be partners with a Gas Killing Animal who kills his people and enjoys it!
— Donald J. Trump (@realDonaldTrump) April 11, 2018
Ի պատասխան այս հայտարարությանը՝ Ռուսաստանի ԱԳՆ պաշտոնական ներկայացուցիչ Մարիա Զախարովան հայտարարել է, որ այդ «խելացի» հրթիռները պետք է ուղղվեն ահաբեկիչներին, այլ ոչ թե Ասադի կառավարությանը:
Միևնույն ժամանակ Եվրոպայում թռիչքների անվտանգությունը վերահսկող միջպետական կազմակերպությունը (Eurocontrol) բոլոր ավիաընկերություններին զգուշացրել է թռիչքներ չիրականացնել Սիրիայի երկնքում՝ առաջիկա 72 ժամվա՝ 3 օրվա ընթացքում:
Այս ամենը ցույց է տալիս, որ մոտակա ժամերի կամ օրերի ընթացքում ԱՄՆ-ն և դաշնակից ուժերը իրապես պատրաստվում են հրթիռակործել Սիրիայի տարածքը:
Ավելի վաղ հայտնի էր դարձել, որ ԱՄՆ-ն Կիպրոսից Սիրիայի ջրային սահման հրթիռակիր նավ է ուղարկել: Ավելի ուշ տարածվել են տեղեկություններ, թե ամերիկյան զինուժը նաև ռազմական ինքնաթիռներ, այլ նավեր է կենտրոնացրել այդ հատվածում:
Արևելյան Ղուտա