2013 թվականի հունիսի 11-ին ժամը 11:30-ի սահմաններում կաշառք տալու և ստանալու պահին ձերբակալվել են ՀՀ ՊՆ ՔԾ առաջին կայազորային քննչական բաժնի երկրորդ բաժանմունքի պետ մայոր Վահան Հարությունի Հարությունյանը և փաստաբան Ազատ Վլադիմիրի Ավագիմյանը:
Մայոր Հարությունյանի և փաստաբան Ավագիմյանի ձերբակալությունը եղել է ՀՀ զինդատախազության կողմից ստացված հաղորդման հիման վրա։ Այն ՀՀ ՊՆ ռազմական ոստիկանության և ՀՀ ՊՆ քննչական ծառայության համատեղ ձեռնարկված միջոցառումների արդյունք է։
Դեպքի առնչությամբ հարուցվել է քրեական գործ: Նախաքննությունը վարում է ՊՆ քննչական ծառայությունը:
Անհետաձգելի քննչական գործողությունները կատարելուց հետո քրեական գործը, ըստ քննչական ենթակայության, կուղարկվի ՀՀ հատուկ քննչական ծառայություն, փոխանցում է ՊՆ մամուլի ծառայությունը։