Ռուսաստանի ԶՈւ հարավային ռազմական շրջանի (ՀՌՇ) զորամիավորումներում և զորամասերում՝ այդ թվում Հայաստանում տեղակայված 102-րդ ռազմաբազայում մեկնարկել են 2018-ի ձմեռային ուսումնական փուլի ամփոփիչ ստուգումներ: Այս մասին հայտնում է ռուսաստանյան «ՌԻԱ Նովոստի» գործակալությունը՝ հղում անելով ՀՌՇ մամուլի ծառայությանը:
Ստուգումներն անցկացվելու են ՀՌՇ ավելի քանի 20 զորավարժարաններում և ուսումնական կենտրոններում, ինչպես նաև՝ Հայաստանում, Աբխազիայում և Հարավային Օսիայում տեղակայված ռուսաստանյան ռազմաբազաներում։
ՌԴ ԶՈւ հարավային ռազմական շրջանի զինծառայողները 2016թ. ամփոփիչ ստուգումների ժամանակ
Ամփոփիչ ստուգումների անցկացման համար սպաներից կազմվել են աշխատանքային խմբեր, որոնք գնահատելու են զորամիավորումների, զորամասերի մարտական պատրաստության աստիճանը, օպերատիվ պատրաստվածության և մարտական հերթապահության, սպառազինության և զինտեխնիկայի վիճակը, ինչպես նաև անձնակազմի բարոյահոգեբանական կարգավիճակը:
Ստուգումներն անցկացվելու են 2 փուլով և ավարտվելու են ապրիլի վերջին։ Դաշտային պայմաններում զինծառայողները կատարելու են ուսումնական կրակային վարժանքներ, հանձնելու մարտավարական, հատուկ նշանակության, ֆիզիկական պատրաստության նորմատիվներ։