2018-ի մարտին Թուրքիան Ադրբեջան է արտահանել շուրջ 4,9 միլիոն ամերիկյան դոլարի ռազմական և ավիացիոն նշանակության արտադրանք: Փետրվարին արտահանումները կազմել են 3 միլիոն: Այսինքն մարտին դրանք աճել են շուրջ 1,5 անգամ: Տվյալները հրապարակված են Թուրքիայի արտահանողների խորհրդի (Türkiye İhracatçılar Meclisi — TİM) պաշտոնակայքում:
Նույն ժամանակահատվածում Թուրքիայից Վրաստան ռազմական-ավիացիոն արտադրանքների արտահանումները կազմել են 187 հազար դոլար: Փետրվարին դրանք կազմել են 91 հազար դոլար, այսինքն փետրվարի հետ համեմատած Վրաստան արտահանումը աճել է մոտ 2 անգամ:
Մարտին Թուրքիան Իրանին ռազմական-ավիացիոն արտադրանք չի մատակարարել: Մինչդեռ փետրվարին արտահանումների ծավալը կազմել է 514 հազար դոլար:
2018-ի փետրվարին Թուրքիայի ռազմական-ավիացիոն արտադրանք ստացած երկրների շարքում առաջատարներն են.
- ԱՄՆ — 68,3 միլիոն
- Գերմանիա — 19,8 միլիոն
- Շվեյցարիա — 9,9 միլիոն
Ընդհանուր առմամբ, Թուրքիան մարտին այլ երկրներ է արտահանել շուրջ 150 միլիոն ամերիկյան դոլարի ռազմական-ավիացիոն արտադրանք:
Փետրվար ամսվա տվյալներին կարող եք ծանոթանալ այստեղ: