Ռուսաստանի ԶՈւ Պսկովի ստորաբաժանման օդադեսանտային զորքերը մեկնել են Բելառուս՝ մասնակցելու ապրիլի 10-12-ն անցկացվելիք ռուս-բելառուսական համատեղ զորավարժությանը։ Վարժանքների հիմնական փուլն անցկացվելու է «Բրեստսկի» զորավարժարանում։ Այս մասին ապրիլի 3-ին տեղեկացնում է ռուսաստանյան «ՌԻԱ նովոստի» լրատվական գործակալությունը։
Զորավարժությանը Ռուսաստանի և Բելառուսի դեսանտայինները մշակելու են պայմանական հակառակորդի դիվերսիոն-հետախուզական խմբերը և անօրինական զինված խմբավորումները շրջափակելու և ոչնչացնելու հարցեր։
Հիշեցնենք, որ 2017թ. հոկտեմբերի 9-11-ը Ռուսաստանի ԶՈւ օդադեսանտային ուժերը և Բելառուսի ԶՈւ հատուկ գործողությունների ուժերի ստորաբաժանումները համատեղ զորավարժություն էին անցկացրել Պսկովում։ Զորավարժությանը ներգրավված էր 1000 զինծառայող, 200 միավոր զինտեխնիկա։
Ավելի վաղ՝ սեպտեմբերի 14-20-ը Ռուսաստանում և Բելառուսում անցկացվում էր ռուս-բելառուսական «Արևմուտք-2017» զորավարժությունը։