ArmHiTec-2018 միջազգային ցուցահանդեսին KBX կոնստրուկտոր բյուրոն ներկայացրել է կամիկաձե ռոբոտ և «Սկորպիոն Ս» սարքավորումը: Սարքավորումների մասին մեզ պատմեցին ընկերության ներկայացուցիչները:
«Սա պլատֆորմա է, որը նախատեսված է առաջին գծում օգտագործման համար, ենթադրենք կարող ենք տեղադրել հակատանկային ական, որը կարող է ոչնչացնել տանկ, կարող ենք տեղադրել նաև ПКТ գնդացիր: Կարող ենք բժշկական օգնություն ցուցաբերելու համար կամ ականապատ դաշտեր մտնելու համար օգտագործել:
Փորձարկել ենք. 300 կիլոգրամանոց բեռ կարող է տանել, սեփական քաշը 150 կգ է: Մաքսիմալ ղեկավարելու հեռավորությունը երկու կիլոմետր է, աշխատելու ժամանակը՝ մոտը մեկ ժամ, կիրառվում է կոդավորված ռադիոսիգնալով:
«Կամիկաձե» պլատֆորմը
Մյուս նորարարությունը «Scorpion C» կոչվող գետնի մեջ թաղվող սարքավորում է, մարտական դիրքերում օգտագործելու համար է նախատեսված: Օրինակ՝ երբ հակառակորդը հարձակվում է, օպերատորը կամ զինվորը հրաման են տալիս հեռակառավարման վահանակով, սա բացվում է և կրակում:
Իր հիմնական նշանակությունը թաքնված լինելը և մատչելիությունն է, ոչ մի ավտոմատիզացիա օգտագործված չէ, հիմնական գործիքը իր կամերան և լազերային հեռաչափն են, ղեկավարում է ПКТ տեսակի գնդացիր: Համալիրը դեռ փորձարկումներ չի անցել և համալրել զորքերը:
Հնարավոր է սարքը դնել նաև այլ շասիի վրա, պլատֆորման թույլ է տալիս»: