PKK-ի զինյալների հարձակման արդյունքում սպանվել է թուրք զինծառայող

Մարտի 19-ին Թուրքիայի հարավարևելյան Դիարբեքիր նահանգում «Քրդստանի աշխատավորական կուսակցության» (PKK) զինյալների հարձակման հետևանքով սպանվել է ժանդարմերիայի պրեֆեսիոնալ սերժանտ Սերգեն Չաքմաքը:  Այս մասին հայտնում է թուրքական «Հյուրիեթ» պարբերականի կայքը:

Ըստ աղբյուրի՝ թուրք ուժայինները գործողությունները են իրականացնում քուրդ զինյալների հայտնաբերելու համար:

Նշենք, որ ըստ թուրքական պաշտոնական տվյալների՝ մարտի 10-16-ին Թուրքիայի տարածքում քուրդ զինյալների հետ բախումներում թուրքական կողմը կորցրել է 4 զինծառայող, ևս 6-ը վիրավորվել է:

Թուրքիայի տարածքում ուժայինների և PKK-ի բախումները վերսկսել են դեռևս 2015-ի ամռանից: Դրանք պարբերաբար դադարելով, պարբերաբար էլ ինտենսիվանալով շարունակվում են մինչև այժմ: Քրդերի դեմ գործողություններում ներգրավված են թուրքական բանակը, ժանդարմերիան:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *