Միացյալ Նահանգների պաշտպանության նախարարությունը (Պենտագոն) հաստատել է Եգիպտոսին RQ-20B Puma II AE փոքր հետախուզական անօդաչու թռչող սարքերի վաճառքը: Գործարքը գնահատվում է 9,1 միլիոն դոլար, սակայն հայտնի չէ, թե քանի ԱԹՍ է Եգիպտոսը պատվիրել: Այս մասին հայտնում է Jane’s Defence Weekly շաբաթաթերթը:
Պլանավորվում է Եգիպտոսին մատակարարումները ավարտել 2020-ի սեպտեմբերին: Jane’s-ի տվյալներով՝ անօդաչուները արտադրող AeroVironment ընկերությունը ավելի վաղ հայտնել է Մերձավոր Արևելքի երկրներից մեկին իր ԱԹՍ-ները վաճառելու մասին, սակայն այդ ժամանակ խոսքը 44,5 միլիոն արժողությամբ պայմանագրի մասին էր:
RQ-20B ԱԹՍ-ի մարտավարատեխնիկական բնութագիր.
- ԱԹՍ-ն կարող է արձակվել ձեռքից,
- Թևերի բացվածքը — 2,8 մետր,
- Կշիռը — 6,1 կգ.,
- Գործողությունների շառավիղը — 15 կմ,
- Թռիչքը տևողություն — մոտ 3 ժամ,
- Սարքը համալրված է գիշերային և ցերեկային տեսանելիության տեսախցիկներով: