ԱՄՆ ռազմածովային ուժերի դեսանտային նավը ժամանել է Բաթումի

Մարտի 19-ին Բաթումի է ժամանել ԱՄՆ ռազմածովային ուժերի USS Oak Hill  դեսանտային նավը: Այդ տեսակի նավ առաջին անգամ է այցելում վրացական ջրային տարածք, նավի վրա անձամբ բարձրացել է Վրաստանի պաշտպանության նախարար Լևան Իզորիան: Նավում անցկացվել է հանդիպում, որի ընթացքում քննարկվել են վրաց-ամերիկյան ռազմական համագործակցությունը: Այս մասին հայտնում է Վրաստանի ՊՆ կայքը:

ԱՄՆ ռազմածովային ուժերի USS Oak Hill  դեսանտային նավը Բաթումիում

ԱՄՆ ռազմածովային ուժերի USS Oak Hill  դեսանտային նավը Բաթումիում

Պաշտպանության նախարարի հետ միասին նավ է այցելել Վրաստանի ԶՈւ գլխավոր շտաբի պետ,  գեներալ-մայոր Վլադիմիր Չաչիբայան, պաշտպանության նախարարի առաջին տեղակալ Լելա Չիկովանին և դիվանագիտական կորպուսի ներկայացուցիչներ:

USS Oak Hill դեսանտային նավը մշտապես տեղակայված է ԱՄՆ Վիրջինիա նահանգում, ռազմածովային ուժերի կազմում է 1996 թփականից: Այն իր վրա կարող է տանել հետևակի մարտական մեքենայի 15 ամֆիբիա տարբերակ, 2 միավոր М1А1 «Աբրամս» տանկ:  Նավի սպառազինությունում առկա է 25 մմ-ոց թնդանոթներ, 2 միավոր 20 մմ-ոց Phalanx CIWS  զենիթահրանոթային  համալիրներ, ինչպես նաև 2 միավոր փոքր հեռահարության հրթիռային կայան:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *