Մարտի 26-ից ապրիլի 5-ը Թուրքիայի ռազմածովային և ռազմաօդային ուժերի, ինչպես նաև առափնյա անվտանգության ուժերի ներգրավվմամբ անցկացվելու է Deniz Yıldızı – 2018 («Ծովային աստղ – 2018») զորավարժությունը: Վարժանքներն անցկացվելու են Սև և Մարմարա ծովերում: Այս մասին հայտնում է Թուրքիայի ռազմածովային ուժերի մամուլի ծառայությունը:
Ամենամյա զորավարժության հայտարարվող նպատակը վարժանքներին մասնակցող ստորաբաժանումների մարտական պատրաստության աստիճանը բարձրացնելն է, տարբեր վարժանքներում նրանց գործողությունների հնարավարությունները և ընդունակությունները ընդլայնելը, ինչպես նաև նպաստել Սև ծովի անվտանգության պահպանումը:
Սցենարի համաձայն՝ իրականին մոտ մարտական պայմաններում ռազմածովային ուժերի ստորաբաժանումները կրակ են վարելու հակառակորդի ծովային թիրախների ուղղությամբ:
Զորավարժությանը մասնակցող նավերը մարտի 29-ից ապրիլի 2-ը այցելելու են նաև Վրաստանի Բաթումի, Ռուսաստանի Նովոռոսիսկ, Ուկրաինայի Օդեսսա, Ռումինիայի Կոստանցա և Բուլղարիայի Վառնա նավահանգիստներ: