Մարտի 14-ին Թուրքական «Բայքար» ընկերությունը և Կատարը պայմանագիր են ստորագրել այդ երկրի զինված ուժերին թուրքական արտադրության «Բայրաքթար» (Bayraktar TB2) անօդաչու թռչող սարքեր մատակարարելու վերաբերյալ: Այս մասին հայտնում է թուրքական պետական «Անադոլու» գործակալությունը:
Ըստ պայմանագրի՝ Կատարի զինուժին մատակարարվելու է 6 միավոր «Բայրաքթար» ԱԹՍ, 3 միավոր ցամաքային կառավարման համակարգ (ground control station) և մեկ վարժասարք:
ԱԹՍ-ների հետ միասին Կատարին վաճառվելու են նաև թուրքական «Ռոքեթսան» ընկերության արտադրության MAM հրթիռներ, որոնցով կարող են սպառազինվել «Բայրաքթարները»:
Պայմանագիրը ստորագրվել է Կատարի մայրաքաղաք Դոհայում մարտի 12-14-ը անցկացվող միջազգային DIMDEX — 2018 ռազմարդյունաբերական ցուցահանդեսի ժամանակ:
«Բայրաքթար» ԱԹՍ-ի մարտավարատեխնիկական բնութագիրը․
- Գործողության շառավիղը՝ 150 կմ,
- Առավելագույն թռիչքային զանգվածը՝ 650 կգ,
- Օգտակար բեռնատարողությունը՝ 50կգ,
- Առավելագույն արագությունը՝ 222 կմ/ժ,
- Թռիչքի տևողությունը՝ առավելագույնը 24ժ,
- Թևերի բացվածքը՝ 12 մ,
- Երկարությունը 6,5 մ,
- Սարքը կարող է ինքնուրույն օդ բարձրանալ և վայրէջք կատարել։