«Ալգետի» ուսումնական բազայում ավարտվել է վերջերս Վրաստանի ԶՈւ սպառազինությունում ընդգրկված ամերիկյան արտադրության M240B գնդացիրի շահագործման և կիրառման դասընթացներ: Դրանք շարունակվել են 2 շաբաթ, մասնակցել են ԶՈւ տարբեր ստորաբաժանումների զինծառայողներ: Այս մասին հայտնում է Վրաստանի ՊՆ կայքը:
36 զինծառայող, որոնք անցել են ուսումնական դասընթացները, այնուհետև զբաղվելու են իրենց ստորաբաժանումների անձնակազմի պատրաստությամբ: Կուրսանտները յուրացրել են գնդացիրի մարտավարա-տեխնիկական բնութագիրը, դրա շահագործման օրենքները, անվտանգության տեխնիկան, կրակի վարման սկզբունքները:
Հիշեցնենք, որ Վրաստանի զինուժի սպառազինության մեջ М-240В գնդացիրները ընդգրկվել են 2017-ի մայիսին: Այդ գնդացիրները պետք է փոխարինեն Խորհրդային արտադրության Կալաշնիկովի գնդացիրներին:
М-240 գնդացիրները առկա են ԱՄՆ բանակի և ծովային հետևակի կորպուսի սպառազինությունում։ Գնդացիրը արտադրվել է 1950-ականներին, շահագործվում է 1977 թվականից։
Մ-240 գնդացրի մարտավարատեխնիկական բնութագիրը.
- Տրամաչափը՝ ՆԱՏՕ-ի 7.62մմ
- Զանգվածը երկճղի հենակներով՝ 11-13կգ ,
- եռոտանի հենակի զանգվածը՝ 21 կգ,
- Երկարությունը՝ 1260մմ
- Փողի երկարությունը՝ 545մմ
- Պահեստային փամփուշտները՝ մետաղական շղթայով,
- Կրակի արագությունը՝ 650-950 կրակ/րոպե