Նոր փաստեր են հայտնի դարձել Ռուսաստանի զինված ուժերի Հարավային ռազմական օկրուգի (ՀՌՕ) 58-րդ բանակի հրամանատար գեներալ-մայոր Անդրեյ Գուրուլևի դեմ հետաքննությունից։ Ավելի վաղ տեղեկացրել էինք, որ գեներալ-մայոր Գուրուլևի դեմ քրեական գործ էր հարուցվել. նրան մեղադրում էին պաշտոնական դիրքը չարաշահելու համար։
Ռուսական «Կոմսոմոլսկայա Պրավդայի» տեղեկություններով՝ հրամանատարը 2005 թվականին, երբ օկրուգի զորամասերի մեկի շտաբի պետն էր, երկու զինծառայողի գործուղել է Մոսկվա, որպեսզի նրանք վերանորոգեին այդ ժամանակ ՀՌՕ-ի փոխհրամատարի պաշտոնը զբաղեցնող գեներալ-լեյտենանտ Նիկոլայ Պերեսլեգինի բնակարանը։
Ընդ որում երկու զինծառայողները գրեթե 2 տարի բացակայել են զորամասից և զբաղվել Պերեսլեգինի բնակարանի վերանորոգմամբ։
Եվս 6 զինծառայող էլ Գուրուլևի հրամանով գործուղվել է Տվերի շրջանում Պերեսլեգինին պատկանող առանձնատուն, որտեղ տնտեսական հարցերով են զբաղվել։
Նշենք, որ գեներալ-լեյտենանտ Պերեսլեգինի դեմ քրեական գործ էր հարուցվել ավելի վաղ։ Հետաքննության արդյունքում հայտնի էր դարձել նաև վերջինիս ապօրինի գործուենության մեջ 58-րդ բանակի հրամանատարի մասնակցությունը։