ՊԲ կենտրոնական ենթակայության զորամասերի դյուրակիր զենիթահրթիռային համալիրների և գնդացրային ջոկերի հրամանատարների հետ անցկացվել են ուսումնամեթոդական հավաքներ: Այս մասին հայտնի է դառնում ՊԲ «Գոյամարտ» հեռուստանախագծի մարտի 3-ի թողարկումից:
Հավաքները տևել են հինգ օր, անցկացվել են 2018 թվականի մարտական պատրաստության պլանի համաձայն:
Դասակի հրամանատարներից մեկի խոսքով՝ զինծառայողները պատրաստություն են անցել մասնագիտական, հետախուզական, տեխնիկական առարկաներից:
Տեսանյութից երևում է, որ պարապմունքների ընթացքում մասնակիցները օգտվել են «Իգլա» դյուրակիր ԶՀՀ վարժասարքերից:
Հավաքների բոլոր մասնակիցները ավարտին հանձնել են ստուգարքներ և ամփոփել արդյունքները:
