Փետրվարի 22-ին թուրքական «Ասելսան» ռազմարդյունաբերական ընկերությունը և Մալայզիայի համապատասխան կառույցների հետ ստորագրել է այդ երկրի առափնյա անվտանգության հրամանատարության նավերի համար սեփական արտադրության մարտական մոդուլներ մատակարարելու վերաբերյալ փոխըմբռնման հուշագիր: Այս մասին հայտնում է «Ասելսան» ընկերության կայքը:
Թուրքական արտադրության «SMASH» 30մմ-ոց հեռակառավարվող հրետանային կայան
Մարտական մդոուլները մալայզիական կողմին նախատեսվում է մատակարարել 2019-2020 թվականներին:
Ըստ որում դրանք կարող են հավաքվել հենց Մալայզիայի տարածքում: 2017 թ. այդ երկրում հիմնվել է «Ասելսան-Մալայզիա» ընկերությունը, որի բաժնետոմսերի 100 տոկոսը վերահսկում է թուրքական ընկերությունը:
Խոսքը MUHAFİZ կամ SMASH տեսակի հեռակառավարվող ավտոմատ հրետանային համակարգերի մասին է: Հիմնական զենքը ամերիկյան արտադրության 30 մմ տրամաչափի Mk44 Bushmaster-II Canon հրանոթն է: Մոդուլի վրա տեղադրել են նաև թիրախի ավտոմատ նշանացուցման/հետապնդման/խոցման համակարգ: Առկա է նաև 12.7 մմ տրամաչափի գնդացիր:
Հավելենք, որ այս մարտական մոդուլներով համալրվել են նաև Ադրբեջանի ԶՈւ ռազմանավեր: